لغة الشباب

من طرف صــمــت القلب (صبية) 2010-01-25, 7:32 am

لغة الشباب

حبيبتي لا تاكلي همي طلعي مع رفقاتك اليوم

(ما صرلنا يومين مرافقين بكرة بتشوفي)

أنا ما دخلني عملي اللي بدك اياه

(استرجي تعملي غير اللي قلتلك عليه)

مالي علاقة روحي لوين ما بدك

(استرجي تطلعي من باب البيت)

تأكدت طلعتك المسا مع رفقاتك؟

(لكان لاخترع طلعة معي من تحت أضافيري و افقسلك طلعتك)

أكتر شي حبيتو فيكي طيبة قلبك

شو هالجسم الخزيء

كأنو رفيقتك سبور كتير؟!!!!

(كلا اسبوع و بمنعك تحكي معا)

حبيبتي كانو موبايلك برن كتير

(غيري رقمك قبل ما انا غيرلك ياه)

ورجيني شو نوع موبايلك هاد النوكيا الجديد؟؟

(حفليلك اللوغ رقم رقم واسم اسم)

حلو لون شعرك الجديد بس الطبيعي أحلى

(الله يكسر ايديكي على هالصبغة طالعة متل الرقاصة)

أنا متقبل انو الك علاقات سابقة هاد حقك الطبيعي

(مستحيل فكر فيكي بشكل جدي ورح ضل هتك بماضيكي)

ما بعرف ليش انا مشلوش من طلعتك اليوم الصبح ما عم تفوت بمخي

(بدي اتمشكل و اخترع خناقة و انزعلك مساكي)

كانو مو أول مرة بتجي على هالمحل؟!!!!

(يخرب بيتك شو كاينة دايرة على حل شعرك قبل ما أعرفك)

كانو هالكنزة صغيرة عليكي

(بكسر ايديكي ازا بشوفك لابستيا مرة تانية)

ورجيني كأنو بنطلونك جديد

(يا ويلك ازا بتكوني نازلة عالسوق ومو قايلتيلي)

شفتي الشب اللي مر بالسيارة السودة هاد رفيقي اللي حكيتلك عنو

(لامر ولا شي بدي اتاكد ازا كنتي عم تبصبصي عالشباب بالسيارات)

كربوج رفيقي ما؟؟

(بدي شيل عيونك ازا قلتي اي)

قال رفقاتي شايفينك من كم يوم بالشعلان

(رفقاتي ما بيعرفو كيف شكلك بس بدي زلقك)

حبيبتي كانك سمنانة شوي!!

(يفضح عرضك على هالقفا صايرة متل البقرة)

الشب ما بعيبو جمالو

(بعرف حالي متل القرد بس استرجي هتيني)

نحنا مجتمع شرقي الشب غير البنت

(أنا بعمل اللي بدي اياه وانتي بتسمعي كلمتي و بتنضبي بالبيت)

انتي ليش حاطة حواجز بيناتنا شو لسة ما وثقتي فيني؟

(تلحلحي نشفتيلي قلبي يا حـيـط)

خلينا نطلع نتمشى طائة روحي من المطاعم

(الدنيي آخر شهر و مفلس ما معي اخدك تتزهرمي)

ييييييي نسيت جزداني بالسيارة

(استحي على دمك حاجتي اصرف عليكي)

متخانق مع اهلي مشانك وعم نام عند رفيقي

(حطي ببالك من اليوم ورايح بدك تصرفي عليي)

أنا ما بؤمن بالفلنتاين كل يوم عندي هو عيد حب معك

(يعني ازا بدك تجيبيلي هدية جيبيلي بس لا تحلمي انا جبلك)

رفيقتي القديمة كانت حتنتحر بس قلعتا

(قلعتني و مسحت بكرامتي الارض ومتت لارجعلا)

إمي حستك قوية

(امي ما طاقتك و عم تدورلي على عروس وانا ما بتنيلا كلمة)

حبيبتي ليش كل ما بحاكيكي بتندهلك امك؟

(يقطع عمرا إمك شو قوية و شاضومة و قارحة)

انا اللي بدي اخدا بدا تكون قنوعة و عينا شبعانة

(أنا شحاد و ما معي آكل)

حبيبتي حاكيني بسرعة خلص شحن موبايلي

(طالع مع ضرب جديدة عم زبطا وحاقفل موبايلي)

انا حاسس انك متغيرة و ماعم تحسي فيني متل قبل

(أنا عم خونك وعم اتحجج لنترك)

نحنا التنين متوترين خلينا نبعد عن بعض فترة نفكر فيا منيح

(أنا مليت منك وما بدي اتركك قبل ما دور على وحدة جديدة)

ديري بالك على حالك وتاكدي اني عنجد حبيتك و مستحيل انساكي وبتمنالك كل خير

(عم طيب خاطرك بعد ما هنتك و خنتك و قلعتك)

في لغة البنات بس اكيد و الاهم انو في لغة الشباب ما صبايا

من طرف Santigo 2010-01-25, 8:35 am

يا الله و الله أنا بريء من هاد الحكي كلووووووووووو
صحيح الشب بيغار على حبيبتو بس كل شي الو أصول !!!!!!!!
********************************
سحرتني حبيبتي بسواد عيونها.... أنما السواد في سحر العيون
رأيت بها بدراً على الأرض ماشياً...ولم أر بدراً قط يمشي على الارض .
حبيبتي و لو بيطلع بيدي رح خبيكِ فوق القمر خوفي من عيون البشر.
تقبلبي مروري يا صبية مستحيلة يا وردة المنتدى و شكرااااااااا

من طرف **العراب ابن العرندس** 2010-01-25, 1:35 pm

خبر عاجل
===
تعلن قوات الشباب المسلحة عن ضربة نسائية بقيادة (صبية مستحيلة)ادة الى استشهاد 10شباب وانتحار 5 والباقي بالمستشفى
========================================
مشكوررررررررررةةة
ياعمي متميزة بكل معنى الكلمة

من طرف صــمــت القلب (صبية) 2010-02-06, 3:22 am

ههههه يا الله تم حذف النص العرندس و الله انت الي متميز باجاباتك تسلم و الف سلامة على الشباب الي بالمشفى و ان لله و ان اليه راجعون على الشباب الي ماتو ههههههههههههههههه و الله متشكر على مرورك الحلو

.........................صبية مستحيلة......................

الأحد	الإثنين	الثلاثاء	الأربعاء	الخميس	الجمعة	السبت
					1	2
3	4	5	6	7	8	9
10	11	12	13	14	15	16
17	18	19	20	21	22	23
24	25	26	27	28	29	30

لغة الشباب

لغة الشباب

رد: لغة الشباب

رد: لغة الشباب

هههه