كلمة فصل في موضوع للنساء فقط

بالله عليكم يا جماعة أنا قلتلكم إنو بردي الأول كان عندي هدف بدي صيبوا وصبتوا

حدا فكر بالهدف او شو هو هالهدف؟
ما بعتقد
لانو ما في واحد كتب انو فهم الهدف و اللي ما عرف شو الهدف ما سالني عنو

الاخ مظلوم رجع قلي انو الموضوع مو خاص بالبنات وهالحكي طبعا صحيح وانا
لما قلت يا شباب ما حدى يقرا الموضوع لانو عنوانو خاص للنساء نبهت الكل
حتى اللي ما بيهتم بهالمواضيع ليقرا الموضوع بالاضافة لاني نبهت الاعضاء
انو من اليوم ورايح رح نكتب المواضيع شو ما كان داخلها من دون ما نحدد
نحنا مين اللي لازم يقرا النساء ولا الرجال ...الكبارولا الصغار ... اللي
بيحبو الشعر ولا اللي ما بيحبو...إلخ

توجهلي اتهام (تملق..محاولة دخول بقوة)ما رح رد عليه رح اترك مهمة الرد للموقع

انا مو معادي حدا

أنا بعادي الأخطاء الموجودة فاذا كل ما قلت لواحد عندو خطأ ( باسلوب معين انا شايفو اسلوب منيح) بدو يفكرني عاديتو معناها من اليوم ورايح أنا ما عاد نبه حدى على الأخطاء اللي عندو

إذا في حدا شايف إنو ردودي ما لازم تكون موجودة يخبرني وأنا بو عدكن إنو رح اكتفي بالمواضيع وما عاد رد على حدا

لهيك أنا بدي من كل الأعضاء خلال هاليومين يردولي خبر وبعدها إذا شفت إنو الأغلبية مع عدم ردي على المواضيع
فأنا رح اكتفي بالمواضيع بس

وكمان اللي خاطر ببالو إنو أنا ما لازم كون معكم يكتبلي هالشي لانو كمان رح اعمل مقارنة وإذا لقيت انو الاغلبية مع عدم وجودي بالموقع فانا رح اتمنالكم التوفيق

عراب .... مشكور على توضيحك لحق طلب الاعتذار
ولو انو الاخت شيرين ما طلبت مني قدم اعتذار بس طلبت مني اني قدم طلب اعتذار
كان بدها مني قدم اعتذار عاد خربطت وكتبت طلب اعتذار(يمكن هي حكمة رب العالمين... ويمكن لا ....ما بعرف)
في مثل بيقول : كلمة الحق سبقت أولا
سِيدي ..هي مو كلمة حق لانو انا ومتل ما قال الاخ مظلوم ما بدي من حدى اعذار

بالاخير ياشباب (شباب وصبايا) برجع بقلكن ضروري كل واحد يحط تصويتو على وجود ردودي او مواضيعي
واللي ما بيصوت بالمرة لا بـ (اي) او (لا), رح اعتبروا صوت ضد وجود ردودي وضد وجود مواضيعي

ولو اني طولت عليكن بهذا الموضوع تحملوني شوي

اللي شايف اني بعد ما طلبت التصويت رح غير اسلوب ردي فانا بقلو ما رح غير الاسلوب

الصح رح قول عليه صح بالطريقة اللي بدياها والخطا رح قول عليه خطا بالطريقة اللي بدياها

والحلو رح اكتب فيه شعر

على فكرة في موضوع ما رح سميه ولا رح سمي اللي كتبو كان برغبتي احذفو مو رد عليه بس لما تذكرت انو مو من حقي احذف مواضيع غيري تجاهلتو لانو هالموضوع ما بيتحمل رد اقل من الحذف

مشكورين لانكن رح تردولي خبر.....