صراع دائم مع الحزن و السعادة (مناقشة مفتوحة )

اولا احب ان اشكرك يا مستحيله لانك فتحتي هذا الموضوع الهام

كانك تجلسين في قلبي



السعاده في نظر الجميع هي ان تكون مع من تحب لان الحب هوا السعاده

وان يكون الشخص مرتاح من الاحوال الماديه لان الماده تسبب العديد من المشاكل

للعديد من الناس فهنالك اشخاص قد قتلهم الفقر وهمهم الوحيد هوا تدبير النقود فهذا النوع من الاشخاص من اين لهم بالسعاده والهموم تملاء قلبهم كيف له ان يعيش لحظات السعاده والهم الذي في قلبه قد شكل غيمه سوداء داكنه اخفت السعاده من حياته

ولكن هذا الانسان يتمتع براحة البال والضمير

اما من يملك المال فهو ايضا ليس سعيد بماله فالانسان بجشعه يحاول ان يزيد ثروته

كلما نظر اليها او حاول حسابها

فهذا الشخص ايظا لا يستطيع النوم سعيدا لانه يخاف ان يخسر ثروته

او يفكر ماذا سيفعلون اولاده بهذا المال او كيف سيصرفونه هل سيينفقون هذا المال على شهواتهم او رغباتهم ويجرهم الى الضياع ام انهم سينفقونه بطريقه صحيحه

اذا لا الغني يشعر بالسعاده ولا الفقير فكما قلت لكم انا اسف لانني دققت على الموضوع المادي ولكن لاثبت لكم ان الانسان لا يسعده مال الدينه ولا يكون سعيدا بفقره

أي ان الانسان لا يكون سعيدا الا اذا وجد الذي يحبه بجانبه فمن وجد الشخص الذي يبادله الحب لا يجد صعوبه في ايجاد الفرح اين ما كان وفي اشد لحظات الحزن والكئابه

وبصراحه انا لما كون متضايق بفوت وبقرأ كتابات الاشخاص الي بحبهم من كل قلبي

يلي هما انتم بفرح وبنسى اني كنت حزين

وصدقوني مافي ناس بيقتلها الفرح بس كتير ناس قتلها الهم والحزن

لان الفرح يجلب الضحك والضحك يطيل العمر وينشط الدوره الدمويه

والحزن يحرق الاعصاب والخلايا التي توجد بجسد الانسان وكانه آفة في جسدنا

وبشكرك على هذا الموضوع الجميل يا مستحيله وانا باكدلك انو بيستحق قدر اكبر من الردود والاهتمام بس انا ما حبيت جاوب على كل اسالتك حتى اترك دور للاعضاء الباقين الذين هم اخوتي انشالله لانو موضوع بيحب يشارك فيه كل شخص على قد ما هوا شيق وجميل وشكرا

اولا شكرا كتير على هالموضوع الجميل وبيستحق المناقشة وبحب قلك
يا صديقتي العزيزة كل انسان منا بيفكر نفسو اكتر الناس حزنا
بس الواقع بيقول غير هيك لأنو نحن لما نكنون مجروين ما بنفكر الا انو الدنية دائما قالبة معنا ما بنتذكر الشغلات الحلوة بنتذر الشغلات السيئة دائما لأنو بتترك اثر ي نفسنا

متل ما بيقول المثل مين شاف هموم غيرو خفت عليه همومو

لأ الحزن ما بيطغى على السعادة الا اذا كان الأمر المحزن اكبر من لحظة السعادة
بس كمان اذا سمعنا خبر حلو بنفرح
اذا كان الخبر اللي سمعناه اكبر من الأمر المحزن بننسى الحزن تبعنا لذلك الحزن ما بيطغى على السعادة الا اذا كان اكبر منو

بعدين الحياة بدون حزن مو حلوة ابدا و بدون سعادة كمان مو حلوة
يعني يوم هيك ويوم هيك

اكبر الحزن هو فقدنا اعز الناس الأنسان بيزعل على المال اذا راح بس بيزعل على ابنو اكتر اذا راح أو بيزعل على حبيبتو اكتر اذا راحت

بعمرها الغنى والفر ما كانو سبب للسعادة او الحزن
الأنسان بذاتو يقدر يخلق الحزن لنفسو ويقدر يخلق السعادة
لازم ذامئا نتحلى بالصبر و دائما نقول انو بكرة احلى
ونواجه مشاكلنا واحزاننا ولا نهرب منها لأنو اذا هربنا بتكتر علينا ونضيع
وبالنهاية هالحياة بدنا نعيشها سواء كنا مبصوتين أو لأ
بدنا نعيشها بخلينا نعيشها بضحة و أبتسامة ونتناسة ونحاول انو ننسى الجروح والأحزان

ومع تمنياتي لكم بالتوفيق والسعادة بحياتكم
Mazlom

كل واحد علي رد اطول من الموضوع نفسو
شكرا وبس

نحن ما بنحس بقيمة السعادة بدون وجود الحزن بحياتنا
والعكس صحيح لهيك انا بشوف انو نحن ما لازم نندم على لحظات حزينة مرت بحياتنا لأنها خلتنا نعرف قيمة كل لحظة سعيدة

وميرسي لموضوعك

بالاول الف شكر لمروركم الحلو و كمان مبسوطة لانو موضوعي عجبكم و عم بتناقشوه و بالعكس يا مايسترو انا مراح اعتبر انو ردودهم اطول من موضوعي لانو كل رد الو هدف و منطق و نقاش كتييييير حلو و انا كصاحبة الموضوع بدي اشكرهم الف شكر للمالك الحزين الي نور موضوعي و مظلوم كمان بتشكرو كتيييييييير و هوني و انت كمان رغم اني ما لقيت مناقشة بردك بس يلا الف شكر ليك و ليهم و كمان انا مع هوني باجابتها



و الف شكر على ردودكم و مناقشتكم الحلوة من صبية مستحيلة

بصراحة موضوعك حلو و صعب بنفس الوقت
بظن كتار ما عرف لحد هلأ يعرّف مفهوم السعادة
بس بظن إنو السعادة هي راحتك و رضاك عن كلشي عم يصير حولاك و وجودك مع أشخاص بترتاح معن و بيرتاحو معك و مستعدايين يبقوا جمبك للنهاية
عنجد بهنيك افتحتي موضوع عنجد صعب مع انو كتار بفكرو سهل
و ياريت انتي كمان تقليلنا شو مفهومك للسعادة؟

طبعاً اول شي بدي اتشكر صبية مستحيلة على طرح هيك موضوع لامس نقطة مهمة بحياتنا
كانقطة اولى انا برائي أن فكرة السعادة هي موضوع نسبي مع الحزن فحين يغيب الحزن توجد السعادة
ويوجد عدة امور اساسية لابد توافرها حتى تتوافر السعادة الحقيقية مثل راحةالبال والتفكير السليم
والسبب الرئيسي لوجود السعادة هو الحزن فلولا الحزن لما عرفنا السعادة فكلاهما اساسيان في حياتنا ومهمان
لايمكن الاستغناء عن اي واحد منهما
أكيد نتمنا السعادة لكن صدقوني لولا الحزن لما عرفنا السعادة
------------------------------------------------
أشكرك يا صبية وتقبلي مروري

او لا بدي اتشكر احبابي بزيارتهم الحلوة و المعطرة و بدي قول لمحمد مرسي لوجودك بموضوعي و بدي جاوبك يا محمد انوا انا لما كتبت هيك موضوع كان فيني اكتبي مع الفرح بس انا كتبت السعادة لانو كان الي هدف بهاد الموضوع و كان بدي انقل هالهدف ليكم و بعنقد انوا وصلكم هدفي من الموضوع و مرسي كتييييير لنقاشك الحلو و بعتقد انك فهمت سبب عدم كتابتي للفرح المهم عجبني كتيييير نقاشك و تانيا بخصوصي اسمي اكيد بيكون احلى بال التعريف و اقوى بس انا ما بحب كون قوية بالاسم بحب كون قوية بالشخصية ...حلوة ما محمد و مرسي كتييييييير و الله نقاشك حلو

تانيا غدير الف شكر على مرورك الحلو و مبسوطة انو عجبك موضوعي يمكن هي اول مرة تزوري فيها صفحاتي بس عنجد نورتيني و اكيد معك يا غدير موضوعي حلو بس صعب بس يلا مع اصحاب متلكم و الله الصعب سهل و تعريفي لسعادة يا غدير بفضل قولو بعدين تعرفي ليش لانو بدي وصل كل هدفي بتمنى تفهميني حبيبتي و مرسي لمرورك الحلو

و تالتا لصديقي ابن العرندس دائما منور صفحاتي برده الحلو و المنطقي و انا معك بردك يا صديقي لانو عن جد بلا الحزن ما نحس بطعم السعادة


و بالاخير مني ليكم كل التقدير و الحب و الاحترامي

اكيد متل ما قالت عسل انو ما نحس بالسعادة بدون وجود الحزن لانو السعادة بنحس فيها بعد الحزن ومشان هيك بنحس بشي اسمو سعادة رغم انو بيكون اكبر من هاللمة

اما مالك ومضلوم وبقية الشباب
بدي اعرف يعني ليش بتحطو ردود اكبر من المواضيع

لأنو الموضوع هذا عبارة عن أسألة
السؤال غالبا ما يكون أقصر من الأجابة

جرب يا كوبرا تجاوب على الأسألة بينك وبين نفسك

مرسي لكوبرا على المرور الحلو و انا بدي اكدلك انو فعلا بلا حزن مراح نحس ابدا بطعم السعادة و يمكن انا كمان بدي جاوبك على سؤالك الشباب ردوا على موضوعي بكل منطق و تفسير و مو مهم ادا كان الرد اطول من الموضوع المهم شو في داخل الجواب من امور و معلومات هامة

و مرسي لمروركم الحلو و النقاش الرائع

تقبلوا فائق احترامي و حبي