انا سوري

أنا سوري ومعي أهلي وناسي ... لازم شجع المنتخب بشعوري واحساسي
الجو مكهرب والظرف قاسي ... جدل وقلق حركلي وسواسي
براس الصفحة بكتابي وكرّاسي ... إسم سوريا بآخر أنفاسي
بشوف وبسمع وآه يا راسي ... وعن حالي بدي مين يواسي
القصة ومافيها قرار سياسي ... يعني مو بكيفي ع راسي
أنا مواطن جبان ما إلي بالكراسي ... وبنكشة صغيرة بعملها بلباسي
بالجعير والصريخ أنا حماسي ... وبالوطنية مقلع ضراسي
............
ويلي قاعد عالكرسي وآخد جعصة ... بتاكل المشاوي وإلنا الفصة
خوزقونا كتير مو أول ب( )صة ... وبوقاحة بيطلبوا منك رقصة
وما تنسى تحمّي إيديك مع فقصة ... غير هيك بضمنلك رصّة
عندك مناعة ما بتتأثر بالقرصة ... بتوزيع الأدوار للأهبل إلو حصة
..............

يا جماعة والله عيب يلي عمبيصير ... وكلمة رح قولها وشو ما صار يصير
وماني عضو عامل ولا حتى نصير ... حاكموا الفاسد المتهم بالتقصير
اليوم صرنا عالحصير ... وبكرا ما منعرف المصير
إيمت أعمى هالقلب بدو يصير ... عندو ضمير وبعينو بصير
واحنا بغيبوبة عالسيروم والعصير ...والمسؤلين لعبوا بعداد عمرنا القصير
والشغلة مابدها تبصير .. ولا تقلي بكرا منصير .. وصار وبدو يصير ..
لأنو ما صار أكتر من يلي بدو يصير ... ير .. ير .. يررررر

الله الله يا عمار
الله الله يا عمار
عنجد ابداع عنجد شي بجنن
انا من اشد المشجعين الك
وبتمنا تزيدنا من هدول والله فن والله شي رائع ولو سمحت بدنا كذا قصيدة من هدول
عنجد رااااااااااااااااااااااااااااااااااااائع
عنجد شي حلو صدقني شي بجنن


(عمار معتمدين عليك بكائس العالم)
عنجد قصائدك حلوي كتير بتمنا تهتم فيها اكتر حتى يقوى اسلوبك اكتر
عنجد شي حلو كتير

رائع اسلوب مميز
والأجمل مضمون ما كتبت
لدرجة لم يبقى لدينا اضراس ومن كثرة حني الراس بتنى نرى ابهام اقدمنا مركز الأحساس
وعداد عمرنا يا ما يسترو بتسريع الأنفاس من الركض ورا الخبز اليابس وتحاشي الناس
وعا قولت المثل ملعون ابو الدنيا المافيها احساس

اكررالطلب كأس العالم قريب بدنا متابعه
اشد على يدك

يا سلام يا سلام على المايستروووووووووووو
عنجد حطيت أيدك على الوجع
بدنا منك دائماً متل هالكلمات الرائعة

وبدنا أخبار كأس العالم.............

شكرا عل مرور
ونشالله القادم احلى

بالنسبة لكاس العالم عم اشتغل عل شي جديد

شي رائع فعلا اسلوب جديد
وطرقة حلوة كتير في الطرح
مايسترو انا بهنيك
ابداع
ابداع
ابداع

وأنا سوري ومعي جنودي وحراسي ...وشجعت منتخبي بشعوري واحساسي
الجو حلو كتيرواحلى من هيك مافي...سهر وعمل وفرح ومافي شي قاسي
بس يلي بينكد عيشتك واحد حماسي...عامل الدنيا شورباوخالط الخضرة مع الفواكي
محشش وكأنو من ميلانو اوكوكب تاني...رياضة بح عنا ولالاعب او مدرب مافي
ما بتوقع في داعي تعذب حالك بكأس العالم...لأنو ما حدا فاضي غير ... البالو فاضي