تسجيل صفحاتك المفضلة في مواقع خارجية
مواضيع ثابتة
اسماء الرياح وأنواعها
_______________________________________
اسماء أيام الأسبوع في الجاهلية
_______________________________________
سبب تسمية الاشهر الهجرية
-----------------------------------
شبكة العراب الاخبارية al3rab newsدخول
مايو 2024
الأحد | الإثنين | الثلاثاء | الأربعاء | الخميس | الجمعة | السبت |
---|---|---|---|---|---|---|
1 | 2 | 3 | 4 | |||
5 | 6 | 7 | 8 | 9 | 10 | 11 |
12 | 13 | 14 | 15 | 16 | 17 | 18 |
19 | 20 | 21 | 22 | 23 | 24 | 25 |
26 | 27 | 28 | 29 | 30 | 31 |
وراك وراك والزمن طويل(الىفاسد بن فساد)
4 مشترك
صفحة 1 من اصل 1
وراك وراك والزمن طويل(الىفاسد بن فساد)
بتحكي كتير وبآخر الكلام فيه بس .. الظاهر مافي فائدة فقدنا الحس
لا تكبّر معلاقك رح يقلك هس .. ترى معلم بالفسفسة شاطر بالدس
ماعاد حدا شاف وماعاد حدا طس .. كلشي ماشي بالمخفي وعاللس
بدك تحكي وتتجاوز الخطوط الحمر .. يعني ناوي تخاطر وتمشي عالجمر
كبران راسك مفكر حالك نمر .. يعني ناوي تلعب بعداد العمر
من الحكي أخدنا المعنى بالإعارة .. عنجد طلع بالقصة دعارة
النجاسة عمت مافي طهارة .. ابن الحرام لعبا بمهارة
مالها حل مالها دبارة .. لهيك صار يساويها جكارة
بكل وقاحة بكل حقاره .. مالو هيبة فقد وقاره
الرزيلة إلها بيوتها إلها أوكارها .. واضحة بأفعالها مرسومة بأفكارها
في غنيمة والفاسد ما عافها .. يلي فوق ما بيعرف ما شافها
بتحكي وبالآخر بتقول آخ .. وجع بالقلب وراسك داخ
الشعر صار أبيض وبالعمر شاخ .. ما حلك تمل من الطيخ والطاخ
بفكروك خرّفت وماعندك مخ .. بس بأفكارك خلنج طخ
الفساد بعد ماعم صار بدو بخ .. الريحة فاحت الكل قال كخ
يعني الفقير إذا ماعندو حظ .. شو يعني آخر همك طظ
بتجوع وبتاكل جظ مظ .. بعزة نفسك أكيد فظ
يلي عالكرسي بالنعيم والعز .. بالقسمة إلك البرغل والو الرز
والحرام باللقمة والشراب مز .. وابن الحرام بطريقو شز
وهالراس كبرت وصار بدها جز .. كشر عن أنيابك وعسنانك كز
الجرح كبير ومن زمان نز .. شوف شغلك وبكتافك هز
وراك وراك والزمن طويل .. حتى لو بالحكي وقالوا عنو عويل
بالعتمة بضوي شمعة معي بيل .. ما بتراجع شو مانحكى مهما قيل
الحساب بالميزان والكِيل .. ياويلك مني يا ويل
بضعف بس ماني قليل الحيل .. أكيد في نهار بعد طول الليل
رح قلو دير بالك على حالك .. لألو يلي ببالي وببالك
مرتاح وما شافوا بدالك .. آخر همك بتعمل ما بدالك
مارح تأبد حتى لو أبو زيد خالك .. رح يجي يوم والحساب يطالك
بتعلق وبتوقع بحبالك .. والريح بتطال جبالك
ويلي حطك رجع شالك .. ورح يسألك عن مالك
رح يسألوك وبياخدو أقوالك .. كيف الصحة وكيف أحوالك
عمبيوصلك حكي على جوالك .. من صبيانك من رجالك
في حكي وطالك .. كلام وأماني بزوالك
التعليمات بتجي مع مرسالك .. مربوطين بخيطك وسنسالك
أتباع لإلك وأمثالك .. بيتباركوا بصورتك وتمثالك
سماع هالكلمتين شو رح قلك .. قبل الضربة ماتقصم ضهرك وتشلّك
وماني تابع إلك وماني ظلك .. وشايفك على بعضك كلك
بكفي لهون حلّك .. ما تعبت وفشيت غلك
حتى ماحدا يهينك ويذلك .. الحل بإيدك مارح دلك
لأيمت الموضوع بيتعالج بخفة .. والبلد بخطر وصاير عالحفة
كام أزعر عمبيقود الدفة .. فجعان راجع ليعبي القفة
حرامي بيلعب بالميزان والكفة .. مارح يترك شي قشة لفة
بيدّعي الطهارة والعفة .. الوطنية بلسانو عالشفة
قبل ما ودعكم وروح .. بالسر ما بخبي رح بوح
الكلام واضح ومشروح .. في حزن وأسى وجروح
قبل ما اتكل وسلم هالروح .. بهالبلد نبني ونعمّر صروح
الكلام ينقرى بوضوح .. الفاسد متعري مفضوح
وياسمين الشام يفوح .. بالعطر والهوى ملفوح
المايسترو AMMAR- عدد الرسائل : 94
العراب ابن العرندس :
عدد رسائل sms : 0
نقاط : 180
تاريخ التسجيل : 02/01/2010
رد: وراك وراك والزمن طويل(الىفاسد بن فساد)
يمكن هاي اخر قصيدة الي هون والمقصود فيها واضح يمكن العنوان صعب بس المضمون موجودوشكرا
المايسترو AMMAR- عدد الرسائل : 94
العراب ابن العرندس :
عدد رسائل sms : 0
نقاط : 180
تاريخ التسجيل : 02/01/2010
رد: وراك وراك والزمن طويل(الىفاسد بن فساد)
أكيد هي مو أخرقصيدة لأنو بعدين رح نزعل منك
الكلام عامي .... حلو انو نكتب بالعامية كلام بسيط نعبرفيه عن اللي بدنياه حتى لو ماكانت النتيجة قصيدة براي بعض الادب العربي فهالنتيجة اللي انت وصلتلها مو اي واحد يقدر يوصلها .... انا بهنيك وبقلك شغلك كتير حلو ولا تقطعنا وتقلي اخر مدري شو ...
شكرا كتييييييييييييييييييير لالك ع المجهود الرائع
الكلام عامي .... حلو انو نكتب بالعامية كلام بسيط نعبرفيه عن اللي بدنياه حتى لو ماكانت النتيجة قصيدة براي بعض الادب العربي فهالنتيجة اللي انت وصلتلها مو اي واحد يقدر يوصلها .... انا بهنيك وبقلك شغلك كتير حلو ولا تقطعنا وتقلي اخر مدري شو ...
شكرا كتييييييييييييييييييير لالك ع المجهود الرائع
رشوان- القلم المميز
- عدد الرسائل : 216
العراب ابن العرندس :
عدد رسائل sms : 2
نقاط : 339
تاريخ التسجيل : 24/07/2009
رد: وراك وراك والزمن طويل(الىفاسد بن فساد)
جميل (مايسترو)
تابع قيادة الفرقة الأبداعية
التي تعتمل في نفسك
تابع قيادة الفرقة الأبداعية
التي تعتمل في نفسك
ابوالمجد- مشرف
- عدد الرسائل : 423
العراب ابن العرندس :
عدد رسائل sms : 6
نقاط : 658
تاريخ التسجيل : 19/03/2010
رد: وراك وراك والزمن طويل(الىفاسد بن فساد)
دائماً اعرفك.....
انت يا مايسترو عظيم فلما تبخل علينا
ولما تحاول ان تقطعنا
الرجاء الرجاء ابقا معنا
نرجو من المايسترو قبول طلبي
انت يا مايسترو عظيم فلما تبخل علينا
ولما تحاول ان تقطعنا
الرجاء الرجاء ابقا معنا
نرجو من المايسترو قبول طلبي
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى