ماذا تقصد البنت عندما تقول لحبيبها

ماذا تقصد البنت عندما تقول لحبيبها؟


عندما تقول: مبارح اجاني ناس وطلبو ايدي لابنهم الغني الحلو وأهلي موافقين و أنا ما بعرف شوبدي أعمل؟؟
الترجمة: قوم انضرب على قلبك واخطبني من أهلي


عندما تقول: رفيقتي ما طاقتك، واستغربت أني عم احكي معك
الترجمة: شكور ربك أني رضيانة فيك

عندما تقول : فلان طار عقلو فيني وفلان رح يموت على ما يحكي معي وفلان وفلان
الترجمة: كمان شكور ربك أني تنازلت عن كل هالمعجبين ورضيت فيك

عندما تقول: أف.. حاسة حالي سمينة بهالبنطلون
الترجمة: قول إني حلوة ورشيقة. رجاءً


عندما تقول: لا لا، بعد عني.. مابدي
الترجمة: اي اي، بدي بدي


عندما تقول: يااااي شو حلوة هالكنزة يلي بالواجهة
الترجمة: فريد جيبتك ولاتتبخلن واشتريلي ياها

طيب ترجميلي شو يعني بنت تغار من الهوا اذا بيقرب على الي بتحبو

وترجع بتقول انا خلاص معد بدياك بدنا نكون اخوي ورفقات

شو دخيل الله شو يعني

اي والله حيرتونا إذا البنت بتغار بتتخلو عنها لانو غيرتها ما بتنطاق
وإذا ما بتغار كمان بتتخلو عنها لأنها باردة المشاعر
وبعدين مشان انو ضلوا أخوة أو رفقات مو أحسن ما تصيروا اعداء وتصيروا تكرهوا بعض بعد الحب
بهالحالة بتكون البنت عم تعمل خير بالحفاظ على خيط لو كان رفيع مع الشخص يلي كانت تحبو بيوم من الأيام



على كل حال ميرسي لمرورك بالموضوع

طيب يا عسل مو محتمل تكون حبت غيري لسبب ما؟؟؟؟؟

صح يا كوبرااااااااااا
ممكن تكون حبت غيرك بس يا ترى ليش حبت غيرك بمين السبب
هون السؤال

كوبرا سئل سؤال ما جاوبتي عليه
================
انا رح جاوبو عليه
هي بنت كذابة يلي قالتلو بغار عليك من الهوى هي بنت ما حبتو اصلاً
وهلشي واضح من خلال نبرة كوبرا
لانو مبين انو ما حس انو في سبب لتركها الو غير انو هية بالاصل ما كانت معو.......وهوي لما طلب منك تفسريلو تصرفها كان بدو يقرى هل جواب يلي هوي بيعرفو اصلاً
فليش لفيتي ودرتي وما قلتيلو انو هي البنت كذابة
------------------------------------------------------------------
حبت حدى ممكن بس مو غيرك
لانو هية بالاساس ما حبتك
والحب مو سي دي اغاني لما نشوف واحد بيستاهلو اكثر منعطي ياه
الحب يكون او لا يكون
والحب يلي عم تحكي عنو يا انسة لنبطل نعطي لشخص لانو صار لازم نعطي لشخص تاني هوي حب محكوم بعقل يبحث عن المصالح وبتالي ليس هو الحب الذي يجعل كوبراااا
يكاد ييصرخ علينا من كلمات ردوده ليقول لنا الحب مزحة ثقيلة
-------------------------------------------------------------------
تقبلو مروري

عم تساعدينا نفهم البنات ولو اني كنت متشائم تجاه فكرة انو نفهم البنات خاصة بعد ما قرأت قول لنزار قباني بما معناه ( النساء سؤال لا جواب له ) و استحضرتني كلماتك مقولة احببت نقلها إليك

عندما تقول شفتا المرأة "كفا "تنظر إليك العينان ترددان " أعد " .............تقبلوا رموري

سيد محمد اذا انتو الشباب ما عم تفهمو البنات صدقني السبب مو بالبنات السبب انو انتو ضيعتونا لدرجة انو ما بقى ننفهم ولا نفهم حالنا

أنا ما بحب إنو تسبق اسمي أي كلمة وإذا كنت عم تكتبي ( سيد ) فلا ترجعي تكتبي كلمة صدقني من دون
ميكون معا كلمات تدعمها خاصة إنك عم تردي بنزعة الدفاع عن البنات على رأي اعتبرتيه إنت هجوم

ومادم برايك الشباب ضيعو البنات , معناها البنات قبل كانو واضحين فلشو الترجمات اللي كتبتيها
أو ليش ما عنونت موضوعك بهالعنوان : ماذا صارت تقصد البنت عندما تقول لحبيبها


بكل الأحوال مشكورة

طيب يا محمد انا اعتبرت رأيك هجوم لسبب كتير بسيط ولي هو أنك عم تعمم لما بتقول انو البنات ما بينفهمو
مع انو متل ما في بنات ما بينفهمو كمان في شباب ما بينفهمو لهيك حطيط حالي بموقع الدفاع عن البنات
عالعموم ميرسي ألك