فن المغازلة في سوريا

المغازلة طب و فن وصناعة ورياضة وعلم نفس وثقافة
عيونك دوخوني = طب
يسلملي هالطول متل عرق الفول = زراعة
تقبشيني وتقبريني = تضحية وايثار
يا أرض احفظي ما عليكي= دعاء
تمشي على رمشي = جمباز
يا ريتني علكة بين أسنانك = تحفيز للصناعة الوطنية> >
ما يبلى وما يتخ = دعاية للنسيج الوطني
نورك ولا نور مهنا = دعوة للتقنين الكهربائي
صباحك ولا صباح فخري= تشجيع للطرب الأصيل
دخيل أمك على هالخلفة= مؤشر تحسين النسل
فشرت هيفا ونانسي = جبران خواطر
دخيلو = حرف للتمني
ع الندا الندا وجبال العالي لهدا = تحدي ومراجل
يجعل أمك حماتي = تخطيط
أخوكي خال ولادي = استراتيجية
رد البنات ع المغازلة
ورصاص............تشجيع عالنضال
يبلاك بقتلك.............خدمة انسانية للمجتمع
وحتفة وقريضة وفنى............لغة عربية(معاني كلمة موت(
شو ماعندك خوات بنات...........صلة رحم
امشي بطريقك أحسن مافرجي عليك خلق الله........اذا مشي بتكون ارشاد وتوجيه واذا مامشي بكون برنامج ترفيه جماعي..


واخيرا وليس أخرا
بحب قول
الله حيو احلى صباية
بوجه تحية للشباب وبقول
وحياة الله يا شباب معيبة بحق الشب انو يلحق ورا بنت ويسمعها كلام من هالنوع
عن جد هالأمور كتير تقلل من قيمة الرجل

تحياتي
Mazloum

حبيبي شكرا الك بس هاد هو مجتمعك شوفينا نعمل
اذا انت هيك ما فيك تغير مجتمع كامل
مشكور حبيبي

لأ يا حبيب انت غلطان كتير

لما انا اغير نفسي وانت تغير نفسك وما تقول يالله ليش ضلت علي لازم تعرف تماما انو كل الناس هيك تقول متلك يالله شو ما في حدة غيري

لأ ما في حدة غيري بالدنية

كل واحد عليه بحالو ويزبط نفسو ويرتب أمورو هالشي معيب كتير بحق الشب لما يلحق ورا صبية أو يسمعها كلام من هالنوع أو غير نوع

لما انت تكون شب محترم صديقك رح يتعلم منك وهكذا تلاقي انو نسبة كتير من الشباب ما عادو يعملو هالأمر المخجل

أنتو معي بكلامي مو يا صباية ؟؟

تحياتي للجميع

بدكم الصراحة يا شباب والله البنات كلهم بدون استثناء بيحبو التلطيش
انتو بس جربو تبطلو تلطيش وشوفو شو بيصير بالبنات

طيب يا انسة هني لو انت وصديقتك ماشيين واجى واحد غليييييييييييييييييييييييييييييييييظ

وقال أحلى وحدة فيكون اللي ماشية بالنص شو بتكون ردة فعلك ؟؟

شو بيكون تفكيرك ؟

مظلوم قصدت الاخت انو الصبايا بحبو الطلطيش بادب والطلطيش الحلو
مو النوع التاني المقرف
==========================
وبتمنا تكون من النوع الاول

انا فهمتها بس بدي وجهلكون سؤال

اي الشب المحترم والراكز ولا ؟؟ الصايع ؟؟

اي احسن الرجل الثقيل ولا الخفيف ؟؟

انت يا مظلوم قريت بس السطر الاول من ردي رجاع قرا السطر التاني بتشوف اني قلتلكم يا شباب جربو بطلو تلطيش وشوفو شو بيصير وانا هاد يلي بدي وصلو

انا قريتو كلو وفهمتو كلو

بس انا بعرف انو في بنات بيحبو انو يسمعو كلام حلو وهن ماشيين بالشارع

انا ضدد فكرة التلطيش تماما

لأنو معيبة كتير بحق الشب

تحياتي الك وشكرا لردودكون يا اصدقائي وصديقاتي

هوي اذا بطلطش بتكون واحد صايع وقليل ادب
واذا ما بطلطش بتكون واحد غبي وما عندك نظر
والله حترنا

خخخخخخخخخخخخخ

احسن شي لا تهتم لأي بنت

وخلصت القصة

اكيد في غيرك رح يهتم

و الله عنجد الموضوع رائع
و بدي قلك من وجهة نظري كبنت
الشب عيب عليه يلطش
من أي نوع عادي أو تقيل متل ما ذكر البعض
لإنو هيدي قلة احترام
و ما في بنت بتحب التلطيش غير اذا كانت فايتة ب 6000 حيط و مو صاححلا مين يسمعا شي و هيدا بعبر عن انعدام ثقة بالنفس
و الشب بيخسر رجولتو بالتلطيش ع البنات
أساسا كل البنات بحبو الشب الجنتل المحترم
و حتى الخجول
و لا صبايا عندكو حكي تاني

والله بردك الجميل لا الصبايا باين انو عندون رد بعد ردك ولا الشباب باين انو بدون يعقبو على كلامك الحلو
انا عن نفسي رح اكتفي بشكرك يا غدير ويا مظلوم
وشكر للجميع

مرسي لموضوعك الحلو مظلوم و انا شخصيا و بصراحة بحب الشب المحترم الي يعرف قيمة البنت خاصة لما يتغزل فيها بكلام محترم و حلو و كتييييير متادب اما بالنسبة الي بيحكي كلام طالع نازل و الله حتى التطليعة ما بطلع فيه لانو المتل بيقول (من احترم نفسه احترمه غيره ) و انا هيك و يعيش الشب المحترم


مرسي كتير لموضوعك

تقبل مروري

بوجه تحية للشباب وبقول
وحياة الله يا شباب معيبة بحق الشب انو يلحق ورا بنت ويسمعها كلام من هالنوع
عن جد هالأمور كتير تقلل من قيمة الرجل


مشان هيك انت بهدلت الصبية الي كانت تلحقك

وما قدرت اعجابها فيك

يحرء مخك لك مضلوم عجبتني بالموقف اما انا فا بحترم اي بنت وين ما كانت على النت او بالواقع متل اخت الي ومضلوم والعراب بيعرفو هالشي لانون قلبي ما بيسع تنين

تحياتي لكل الصبايا

شكرا كتير كتير على ردودكون الجميلة

انا بهدلت البنت لأنو طفح الكيل أول مرة بحياتي ببهدل بنت
مو انا اللي ما قدرت اعجابها هي ما قدرت توصل اعجابهة بطريقة حلوة

بعدين حتى لو وصلت اعجابها بشكل صحيح انا بحب وحدة وما فيني خون حبيبتي وما فيني اكذب على هي البنت

بتقبلو فائق احترامي وتحياتي

مرحبا شباب بدي قول مافي واحد من الشباب يلي هون مالطش بنت يعني بلا كذب اذا الواحد شاف بنت حلوي مافيه مايحكي شي حتى لو كلمه صغيره بس بدي قول انو هالشي بيقلل من احترام الرجل متل ماقال كوبرا وشكرا

حبيبي كل واحد بيمثل حالو

عمري ما شفت الكوبرا لطش بنت او سمعها كلمة ولما حلو كانت أو غير حلوة

حتى العراب هيك يعني لما نكون مع بعض كيف ما كان الوضع وكيف ما كان الظرف ولا مرة شفتون سمعو بنت كلمة

حبيبي هدول اللي بيلطشو البنات وبيسمعون كام عندون شي ناقصون هول مرضى نفسيين مع احترامي لألك

وتحياتي للجميع

بس لو شو ماكان معقول ولا مره لطشوا يعني هدول شو صاروا يلي عم تحكي عنن يعني حتى لو مره بحياتم الا مايكونوا لطشوا ويلي بيلطش صار مريض نفسي لكن الواحد كيف بدوا يتعرف على بنت ويحبا بشو