الكسكس الجزائري

من طرف **o0o KobRaAa - SyRiA o0o** 2009-12-16, 3:15 am

بسم الله الرحمن الرحيم
المقادير:

1- كيس كسكسي
2- لحم ودجاج (على حسب عدد العائلة او العزومة)
-خضروات:
------- باذنجان
------- خردل
--------جزر
--------بطاطا
--------حمص مشمخ
--------كوسة
3- زبدة
4- ملح
5- زيت
6- فلفل اكحل
7- طماطم مصبرة
8- طماطم حمراء
9-فلفل حار اخضر
10- بصل
11-ثوم

التحضير:
اولا -نبدا بالكسكسي: تفرغي مقدار الكسكسي في وعاء كبير، تغسليه مليح بالماء، وتصفيه من الماء كلية، بعدين تحطي شوية ملح وشوية زيت، وتحطين الكسكسي في الكسكاس يفور....

ثانيا- نقوم بتحضير مرقة، نجيب اللحم المقدار لي رايحين نطيبوه، والدجاج كذلك، من بعد نجيب البصل نقشروه ونقطعوه رقيق، وسنات ثوم نقطعهم رقاق ثان، ونجيبو 3 حبات طماطم نرحيوهم ونضيفوهم، الملح على حسب الذوق، 1/2 مغرفة فلفل اكحل، 1 فلفل اخضر من بعد نحطو مقدار 2 مغارف تاع العشا زيت، وشوية ماء، ونحطو البرمة تتقلى حتى يدوب البصل، في هذه الاثناء نحيو الكسكسي من الكسكاس ونحطوه في وعاء، وندهنوه بالزبدة....
كي نرجعوه يزيد يتفور ما ننساوش نمرقو المرقة ونحطولها وعاء ماء حتى تتغطى اللحم والدجاج بالماء
نخليو المرقة تغلى من بعد ما يدخل نص الطياب للدجاج واللحم، نجيب الخضروات، ونغسلها مليح، ونشقها الى نصفين، كل من الكوسة والبطاطا، والجزر، الخردل، والبذنجان ونضيفهم للمرقة.......
كي طلي على الكسكاس وتشوفي البخار عم يطلع لفوق كثير ساعتها بتعرفي انو الكسكس طاب انزعيه وخلي المرقة طيب لحاله
بعدين انزعي اللحم والدجاج وخلي الخصروات يطيبو وحدهم، كي نخلص خالص، نحط الكسكس في طبسي ونفرغ عليه المرقة، ونوضع اللحم والدجاج ونزينو بالخضروات على اطرافو، وفي وسطو نوضع الحمص المشمخة

شهية طيبة